التاج الأول حالياً في الاسواق

الأخت العزيزة رفقة باعتالي التاج ده من زماااااااااااااااان..بس اناا كان عندي ظروف ومردتش عليه..

وجه الوقت اللي ربنا اكرمني فيه وفتحت المدونة تاني وجاوبت على التاج

مطولش عليكو

التاج اهو

يلا بسم الله ""

اسم مدونتك؟

لا تَحزنْ

لماذا اخترته ..وماهي نيتك من وراء اختياره؟؟

امممم
والله اخترته لأني في لحظة حسيت اني بزعل من حاجات كتير بس بيبقى غصب عني..فسميتها لا تحزن..لان لي رب كبير

هل فكرت في إغلاق مدونتك؟ والسبب؟

انا لسه عاملاها فملحقتش افتحها اما هقفلها

صورتك في المدونة ورمزيتها؟
صورتي طفل صغنون لابس لبس لذيذ اوي لونه بمبى..نفس لون المدونة
واخترته لان ليه ذكرى غالية عندي

لماذا دخلت عالم التدوين من الاساس ؟

والله دخلته بتشجيع من بعض الاصدقاء..والواحد يتكلم ويقول اللي في نفسه
بس

جمله قيلت لك فى وصف مدونتك؟

لسه محدش بيدخل عندي كتير..بس اللي شافوها قالولي انها رقيقة ولذيذة:$

التعليقات بالنسبه لك ,اهميتها؟

اكيد التعليق بيبقى مهم للكاتب ..لانه بيبين مدى جودة نصه وبيستفيد من اراء كتير

احلى بوست كتبته ...ضع اللينك , ثم اذكر لماذا؟

مكتبتش غير حاجات قليلة...كمان القراء هما اللي يحكموا مش انا ""

أفضل بوست قرأته؟ وضع لينكه؟

الواحد بيدخل مدونات كتير وبيقرا مواضيع وبوستات كتير اوي ..فمش هيقعد يحفظ بقى ويعد لان في ناس كتير متميزة

أفضل مدونة قرأتها؟

:Sبرضو مصمم

حد قل أدبه فى التعليق إيه رد فعلك؟

لا الحمد لله لسه..ورد فعلي هحرجه بس بالذوق .ولو كان الرد قليل الادب اوي يعني همسحه

أسوأ مدونة؟

المدونات اللي يتهاجم الاسلام..وتحاول تشوه صورته..المدونات اللي بتتكلم في الامور الغير مباحة..فدي كلها تصنف انها سيئة

أسوأ بوست أسوأ مدون؟

مش هرد

هيحصل ايه لإيميلك لما تموت ؟؟

اما ابقى اموت..هبقى اشوف:S

اديت الباسوورد لحد قبل كده؟

اه

كانت إيه طبيعة علاقتك بيه؟

ابن بت بت بت بت خالتي ..هههههههههه

اسمك؟

قوت القلوب .. والحقيقي دعاء

المشهور بيه وسط اصحابك ؟

دودو..دوده..دودي..دعدع..دعاديعو..ديدي..دؤدؤة..كتيييييييييير

شخصيتك نوعها ايه ؟

صيني اصلي

السفر بالنسبالك ؟

على حسب المكان اللي انا رايحاله
يعني سفري للكلية..ده اسوأ أنواع السفر بجد..بهدلة وقرف ورجالة مقرفة تضايق الواحد ويخلوه يكره عيشته ويزنقوا عليك..
ويا سلام بقى لما يبقى مفيش مواصلات..بيبقى يوم ما يعلم بيه الا ربنا..
اما السفر للسياحة ..ده متعتي ..بحب السفر اوي ونفسي اروح اماكن كتير..
ربنا يارب يحققلي امنياتي يااارب

المود بتاعك ؟

مزاجي نظرا لظروفي مش ببقى دايما رايقة..
لكن مع وجود اهلي والناس اللي بحبها عليا ببقى في قمة روقاني ومش ببطل هزار ولا ضحك وبيبقى عندي استعداد اعمل اي حاجة مهما كانت صعوبتها..
واما ببقى مبسوطة بخلي اللي حواليا يقعوا على الارض من الضحك :D الحمد لله والشكر لله

الاكلة المفضلة ؟

بحب حاجات كتير وخصوصا لما بتبقى من ايد ماما..

الصفات اللي أخدتها من بابا؟؟

اخدت من بابا ..استنوا اما افكر
انا واخدة من بابا طباعه..وحاجات من شخصيته..يعني منظمة زيه..دقيقة زيه في مواعيدي وشغلي ..عندي زمة وامانة زيه..وبحب اقول الكلام مرة واحدة..يعني لما اطلب حاجة من حد احب اطلبها مرة واحدة..اذا متنفذتش بروح انا اعملها مهما كانت صعوبتها..تقريبا انا شخصيتي فيها كتير من بابا..يارب ابقى زيه يوما ما..

الصفات التي أخدتها من ماما ؟

امممم
انا الكل بيقولي اني كلي ماما..روحها وناس بتقولي اني شكلها بس على اسمر..
يعني صوتي زيها تمااااااام..وشكلي..وروحي..نفس التصرفات وطريقة الكلام وكل حاجة
ربنا يارب ميحرمني منها ابدا..ولا يحرم اي حد من امه..آميييييين يارب العالمين

اكتر ست حاجات بكرهها؟

الكدب
النفاق
عدم النظام
الوحدة
الفرااااااق
الهبل اللي بشوفه في الشوارع ده من الشباب والبنات

اكتر ست حاجات بحبها؟

امممممم
بحب الاطفال اوي.. بس وهما مولودين ..لما يكبروا بيزعجوني
بحب البحر ... بستمتع وانا قاعدة قدامه ..سرحانة والهوا جميل..سواء الصبح او بليل..بحب ابلبلط فيه برضو..بس على خفيف
بحب منظر الشمس وهي بتشرق وتغرب
بحب الخضرة اوييييييي..نفسي اروح تونس عشان الخضرة اللي هناك..اوعدني ياااااااارب
وبحب حاجات كتير .. بس مش جاي في بالي غير دول..كفاية عليكو

الشغل بالنسبة لك ؟

نفسي اشتغل واتعب..بس احتمال مشتغلش في تخصصي..هروح سكة تانية خالص..
بس ده حسب التساهيل..ربنا يكتب اللي فيه الخير

الانترنت بالنسبة لك؟

بحر وااااااااسع ..فيه كل حاجة الواحد يحتاجها
ناس بتستعمله صح وناس للاسف بتستعمله غلط..
ربنا يبعدنا عننا كل سوء يارب..ويحفظ المسلمين اجمعين

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وأخيراً وليس أخرا ً ..تم الإنتهاء من الرد على التاج

وشكرا لحسن استماعكم .. :)

ومش همرره لحد

والسلام خير ختام