قال موضة قال

بسم الله الرحمن الرحيم وبه نستعين

اللهم صلي وسلم وبارك على سيدنا محمد وعلى آله وصحبه سلم تسليما ً كثيرا

النهاردة هتناول موضوع بصراحة بيثير أعصابي جدا جدا..وبينرفزني اوي..

الا وهو حكاية الموضة واللبس والبنات واللي بقت تلبسه والجو اللي احنا فيه ده..

بداية ..طبعا انا دلوقتي اما بنزل او اخرج في اي مكان ..بشوف حاجات البنات عاملينها في نفسهم غريبة جدااااااااا

دلوقتي مثلا..الاقي واحدة محترمة لابسة بنطلون برمودا (اللي بيبقى تحت الركبة بسنة بسيطة ) والاقيها لابسة بلوزة تقريبا لازقاها بغراء على جسمها..وبعد ده كله..المصيبة الكبرى..الاقيها لابسة طرحة

انا بشوف المنظر بقعد اتحسبن وببقى هموت واسالها لابسة طرحة ليه

منظر تاني مثلا ..الاقيها لابسة جيبة ضييييييييقة وبرضو بلوزة ضيقة وطرحة

دلوقتي بقى طالع حاجة جديدة..حاجة كده (اعذروني يا جماعة) زي قمصان النوم بل هي فعلا قمصان نوم..القماشة الحرير دي والظهر كله مفتوح والحتة اللي عند الصدر مفتوحة وبتاع..وتلاقي بقى اللي لابساه طبعا مدياها بنطلون وبادي كارينا..وماشية تتراقص في الشارع..طب بالله عليكي يا شيخة انتي مبتخافيش ربنا وانتي لابسة اللبس ده..مبتتكسفيش وانتي لابسة اللبس ده

طبعا بقيت البنات كده بالمنظر ده,,اللبس ضيق ومبين تفاصيل الجسم كله حتة حتة وتلاقيها حاطة طرحة

طب ليه الطرحة..شعرك منكوش؟؟..ملحقتيش تسرحيه؟؟..ولا ملحقتيش تسشوريه؟؟

حاجة فعلا تحزن..ليه اللي الواحد بيشوفه ده؟؟

سؤال دايما بساله وبلاقي الاجابة دي ..لان الدين غاب عن الناس..بقوا يقلدوا الغرب في الخيابة بس..بقوا ماشيين ورا الفنانة دي وعلانة دي ..ودي عاملة شعرها كذا ودي قاصة شعرها كذا.. ودي لبست مش عارف ايه، وحطت مكياج ايه

ياااااااااااااااااه..حاجات كلها تفاهة

بدل ما تهتمي بالحاجات دي اهتمي بمعرفة دينك وسنة نبيك..حاجة هتنفعك في الدنيا والاخرة..ومبقلكيش تبقي معفنة ومش مهتمية بنفسك لا..

البنت المسلمة اللي تبقى مهتمية بكل حاجة ..بنفسها ودينها وحياتها وكل حاجة ...وتبقى متميزة في كل شيئ..

طبعا مواصفات الزي الشرعي ايه .. لا يصف ولا يشف ولا يكون ضيق..واسع فضفاض..

والمفروض الطرحة تتلبس وتغطي منطقة الكتف والصدر..زي الخمار كده..بس احنا حاليا بنلبس طرح عادية..بس لازم نحاول نخليها ساترة..

الدنيا فعلا بقت مليانة فتن كتير اوي..انا دايما بتذكر قول الرسول صلى الله عليه وسلم..يأتي على الناس زمان يكون القابض على دينه كالقابض على الجمر..

فعلا احنا في الزمن ده...ويوم القيامة اقترب...والناس ما زالت في غفلة ..الله اعلم هيصحوا منها قبل فوات الاوان ولا لأ ..

انا اما بشوف الوضع ده بحزن اوي اوي..بيصيبني هم كبير..بحزن عليها والله وبحس انهم عار على الاسلام

بس في نفس الوقت بفكر ان اكيد الاهل والاعلام والاصحاب وده كله بياثر عليها ..

الواحد دلوقتي يدعي ان ربنا يحفظ شباب وبنات المسلمين لان الفتن زادت اوي اوي..

والوضع بقى خطير خصوصا انهم بينجرفوا ورا كل حاجة بلا تفكير..انا حاسة ان جوايا لسه كلام..بس مش قادرة اكمل..ربنا يسهل وابقى اكمله بعدين

أحب أختم موضوعي بدعاء..

اللهم يا ارحم الراحمين ..يا اكرم الاكرمين..يا أجود الاجودين..نسالك مسالة المساكين..يا الله يا ذا العرش المجيد يا فعال لما يريد..
اللهم صلي وسلم وبارك على نبيك ورسولك محمد صلى الله عليه وسلم وعلى اله وصحبه اجمعين..
اللهم انا نسالك باسمك الاعظم الذي اذا دعيت به اجبت واذا استعطيت به اعطيت واذا استرضيت به رضيت..
ارحمنا برحمتك يا رحيم..يارب اهدي شباب الامة ..اهدي شباب الامة يارب..ايقظهم من غفلتهم ..يارب افقهم من الغفلة..
اهديهم يارب لصراطك المستقيم..ارزقهم اتباع سنتك وسنة نبيك محمد عليه افضل الصلاة والسلام..
اللهم وفق كل من قرا هذه الموضوع واغفر لنا وثبتنا على ديننا..وارزقنا الجنة يا ارحم الراحمين..وابعدنا عن النار يارب..
اللهم انا نعوذ بك من نار جهنم..الله ارحمنا اذا حملنا على الاكتاف ..وثبتنا عند السؤال انك مجيب الدعاء..
وصلى الله وسلم على سيدنا محمد وعلى آله وصحبه سلم تسليما كثيرا..
سبحانك الله وبحمدك اشهد ان لا اله الا انت استغفرك واتوب اليك..

والسلام عليكم ورحمة الله وبركاته

ست الحبايب..يا حبيبة

بسم الله الرحمن الرحيم وبه نستعين..
الحمد لله رب العالمين وصلى الله وسلم وبارك على سيدنا محمد وعلى اله وصحبه سلم تسليما كثيرا..
اما بعد..
دي اول تدوينة هكتبها .. وربنا يسهل يارب ..
انا مريت بظروف كانت بالنسبالي صعبة اوي..جه عليا وقت كنت لوحدي تماما في بلد غريبة معرفش فيها حد...بلا اهل ولا صاحب...وكان المفروض اني اشق طريقي لوحدي عشان اعيش..
قبل الفترة دي انا كنت مع اهلي واصحابي عايشة احلى عيشة ومعايا احلى صحاب شفتهم في حياتي..واهلي كانو علطول معايا في فرحي وحزني..
يااااه افتكر ان كان الحزن بالنسبالي ده ليه معنى برئ اوي زي الاطفال تماما..
الفترة دي انتهت وبصيت لقيتني بعيد عن اهلي واصحابي تمااما..في بلدي المكرمة العظيمة عشان ادرس..
المهم مش عاوزة اطول واحكي قصة حياتي..انا اول سنة كانت وحشة اوي..فمرت عليا فترة كنت مدمرة نفسيا فيها اوي..وكنت محتاجة لامي اوي اوي..امي اللي محستش بقيمتها الا اما بعدت عني ..
لقتني فجاة مسكت قلم وورقة وبدات اخط كلمات..وافكر واجيب الشبه واللي على نفس الوزن..
لحد ما كملت..بس خدت وقت مني..ودي كانت اول مرة اكتب فيها..
وانا افتكر اما شفت والدتي بعدها وريتها الخاطرة..لمحت الدموع في عينيها وهي بتقراها...
وادي الخاطرة

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ـــــــــــــــــــــــــــــــــــــــــــــــــــــــــــــــــــــــــــــــــــ

::أمــــــــــــــــــي::

أمي ..يا مهجة قلبي وفؤادي
أمي .. يا حبيبة روحي وحياتي
أمي .. يا قلباً عطوفاً احتواني
أمي .. يا كل حبي وكياني
أشتاق إلى رؤيةِ عيناكِ تراقباني..
وابتسامتكِ التي تضيئ لي حياتي..
وتملأ قلبي فرحةً ورضاً بالقضاءِ..
أين أنت يا حبي وحياتي؟؟؟؟؟؟؟
تركتيني لعذابي وشقائي..
أهيمُ في دنيا مليئةً بالذئابِ..
أعيشُ مكللةً بالهموم والأحزانِ..
لا أجد من يمد إليّ يده ويرعاني..
ويرمقني بنظرة أملٍ وحنـــــانِ..
ويسمعني بكل حبٍ واهتمـــــامِ..
ويسهر لمداواةِ ألمي طول الليالي..
أماه .. أينــــاكِ؟؟؟؟؟أينــــاكِ؟؟؟؟؟
لمن أشكو من بعدك حــــــــــــــــالي؟؟؟؟؟؟
ومن سيسمعني ويسمع نداءاتي؟؟
آآآآآآآآآآآه لهذا الزمــــــــانِ........
وفي نهاية المطاف ألجأ إلى الرحمنِ..
هو من سيرحمني ويرأف بحالي..
ويلهمني الصبر على قسوة الأيامِ..

انتهى
ــــــــــــــــــــــــــــــــــــــــــــــــــــــــــــــــــــــــ
ملحوظة : الام دي لا يمكن تعويضها باي شخص كان ..ايييييي شخص فعلا..واسال مجرب ولا تسالش طبيب..وانا ليا عودة عن الام بعدين ان شاء الله..
والسلام عليكم ورحمة الله وبركاته

البداية..يا فتاح يا عليم

بسم الله الرحمن الرحيم

دي تجريبية كده اما نشوف هنعمل ايه في المدونة...لسه محتاجة عفش وقزاز وفرش وحاجات كتير

انا فعلا بشبهها بالشقة لانها محتاجة حاجات كتير عشان تبقى حلوة

بس اهو الواحد بيجتهد وربنا يسهلها بإذن الله

وان شاء الله اكتب حاجات حلوة ومفيدة

وليا عودة مرة تانية :)

يا جابر القرآن ..عشان ربنا يباركلنا

استودعكم الله