رحماك يا رحيم

بسم الله الرحمن الرحيم

الواحد بقالة فترة كبيرة مكتبش حاجة..الاجازة كانت كلها ملل..غير ان جدي تعبان بقالة فترة كبيرة وكنا نقلناه المستشفى ودخل العناية المركزة..

والحال بقى وحش اوي..كل يوم الحالة كانت بتتدهور اكتر من اليوم اللي قبله..

لحد ما جينا ليلة الخميس لقينا الخبر اللي كان صاعقة علينا كلنا..ان جدنا توفى

مبقناش مصدقين ولا قادرين نستوعب الموقف..وفضلنا سهرانين ومش عاوزين نقول لتيتى عشان متتعبش..بس لحد ما صحيت الفجر عشان تصلي نزلوا قالولها..انهارت يا حبيبتي وبقت دموعها عمالة تنزل ..ومحدش قادر يقول كلمة

انا لحد دلوقتي مش مصدقة..بس اما نزلت الشقة عند تيتى حسيت ان ناقصها حاجة..حسيت انها وحشة اوي من غيره..ولقيته واحشني اوي اوي..

كان نفسي اشوفه وكان نفسي ابلغه خبر اني نجحت السنة دي..وفي ليلة ما مات قبل ما نعرف..نتيجة اخويا طلعت ولقينا نجح بدرجات كويسة ....الواحد مبقاش عارف يفرح ولا يحزن ولا ايه بالزبط

دلوقتي فاضل اسبوع ووالدي واخويا يسافروا..وبعدهم بيومين خالي وولاده اللي بينزلوا كل فين وفين..الحياة هتبقى وحشة اوي من غيرهم..لانهم ماليين عليا حياتي وماليين البيت حركة كده..

يارب صبرني على فرقاهم يارب..ومتحرمنيش منهم ولا من اي حد بحبه ياااااااااااااااااااااااااارب

الفراق ده وحش اوييييييييييييييييييي

ربنا يصبرني ويصبر كل انسان افترق عن حد بيحبه..ويصبر تيتى اللي افترقت عن نصها التاني وروحها..

اللهم يا ارحم الراحمين ..يا اكرم الاكرمين...ندعوك باسمك الاعظم الذي اذا دعيت به اجبت واذا اسعطيت به اعطيت ان ترحم جدي رحمة واسعة

اللهم اجعل قبره روضة من رياض الجنة ...اللهم ثبته عند السؤال..اللهم ثبته عند السؤال...اللهم واغسله بالماء والثلج والبرد..اللهم ونقه من الذنوب كمان ينقى الثوب الابيض من الدنس..

اللهم ارحمه رحمة كبيرة واسكنه جنانك الفسيحة وارحم اموات المسلمين اجمعين يا ارحم الراحمين

اللهم هناك انسان لم اره لكن احببته ..ارحمه واجعل قبره روضة من رياض الجنة ونقه من الذنوب كمان ينقى الثوب الابيض من الدنس..اللهم وسع له في قبره..اللهم بارك في اولاده واهدهم الى الطريق المستقيم...اللهم ابعد عنهم كل شر..وصبر زوجته واعنها على مصاعب الحياة ياااااارب العالمين..يا ربنا يا ودود يا سميع الدعاء..هذا دعائنا فاستجب لنا يا رحيم يا رحمن..اغفر لنا خطايانا وتقبل منا وثبتنا على ديننا واحفظنا من فتن الدنيا وما نراه يااااارب